Bloomberg-in məlumatına görə, Cənubi Afrikanın eks-prezidenti Ceykob Zumanın qızı Duduzila Zuma-Sambudla Cənubi Afrika və Botsvanadan olan kişiləri “mühafizəçi hazırlığı” adı ilə aldadaraq Rusiya ordusunda Ukraynaya qarşı döyüşmək üçün cəlb edib.
QHT.az xəbər verir ki, gənclərə Umkhonto we Sizwe partiyasında işləmək üçün hazırlıq keçiriləcəyi vəd edilsə də, onlar rus dilində yazılmış hərbi müqavilələr imzalayaraq cəbhə zonasına göndəriliblər. Avqustdan etibarən işə cəlb olunanlarla əlaqə kəsilib və onların Rusiyada təlim zamanı kamuflyajda çəkilmiş fotoları üzə çıxıb.
Cənubi Afrika hakimiyyəti artıq məsələ ilə bağlı araşdırmaya başlayıb və Ukraynada qapalı vəziyyətdə qalan vətəndaşların geri qaytarılması üçün Rusiya tərəfinə müraciət edilib.
R.İmanov
