ain.az xəbər verir, Axsham.az saytına əsaslanaraq.
Aktyor Kamran Ağabalayev Azərbaycan kinosunun hazırki durumundan şikayətlənib.
Axşam.az xəbər verir ki, o, bir neçə aktyorun sosial şəbəkədə narazıçılığı ilə paylaşımına reaksiya bildirib. Kamran qeyd edib ki, dövlət film sahəsinə nə qədər pul ayırsa da, inkişaf yoxdur:
"İllər boyu filmlərə dövlət pul ayırdı. Amma ortaya nə çıxdı? Milyonlarla manat büdcə vəsaiti "kino inkişafı" adı ilə xərcləndi, amma nə tamaşaçı qaldı, nə də yadda qalan filmlər.
Kinomuz sanki xalqdan uzaq düşdü - ekranda nə özümüzü, nə də həyatımızı görürük. Əgər illərlə ayrılan bu qədər puldan sonra nəticə yoxdursa, indi dövlət niyə yenə kinoya pul ayırsın? Əgər sistem eyni qalacaqsa, nəticə də dəyişməyəcək. Kino sadəcə maliyyə layihəsi deyil, bir millətin mədəni güzgüsüdür. Pul rejissorun azad düşüncəsinə, gənc yaradıcı insanların səsinə, ssenarilərə getməlidir, yoxsa kabinetlərdə “hesabat filmlərinə” çevriləcək. Əsl kino azadlıqla yaranır. Dürüst, cəsarətli və xalqla danışan kino olmasa - nə qədər pul xərcləsək də, boşdur. Vallah ayrılmasın, ayrılmasın bilək ayrılmadı və heç kim yeməyəcək".
Daha ətraflı məlumat və yeniliklər üçün ain.az saytını izləyin.
