Musavat.com xəbər verir ki, Ukrayna Silahlı Qüvvələrinin baş komandanı Aleksandr Sırski Rusiya ordusunun Pokrovsk və Mirnoqrad istiqamətində irəliləmə planlarına qarşı əks-tədbirlərin artıq hazırlandığını bildirib.
Sırski məlumatı ön xəttə — Pokrovsk–Mirnoqrad aqlomerasiyası yaxınlığında komandirlərlə keçirdiyi operativ müşavirədən sonra açıqlayıb.
Onun sözlərinə görə, Rusiya qüvvələri hələ də “şəhərin yaşayış massivlərinə, çoxmənzilli binaların yerləşdiyi ərazilərə doğru irəliləməyə və orada möhkəmlənməyə cəhd edir”. Komandan vurğulayıb ki, bu istiqamətdə vəziyyət gərgin olaraq qalır.
Hazırda Ukrayna müdafiə xəttinin gücləndirilməsi, əlavə bölmələrin bölgəyə yönləndirilməsi və ehtiyatların idarə olunması üzrə tədbirlər görülür.
Musavat.com
