İrlandiya–Portuqaliya oyununda Kriştiano Ronaldo qırmızı vərəqə alıb.
90deqiqe.Az-ın məlumatına görə, bu səbəbdən hücumçu Ermənistanla keçiriləcək son dünya çempionatına seçmə matçını dəqiq buraxacaq. Bundan sonrakı qərar isə FIFA-nın İntizam Komitəsi tərəfindən veriləcək.
FIFA qərarı təxminən üç həftə ərzində – dekabr ayında açıqlayacaq. Təşkilatın tələskənliyi yoxdur, çünki Avropa yığmaları üçün növbəti beynəlxalq oyunlar pəncərəsi yaxın vaxtlarda nəzərdə tutulmur.
Ronaldo iki və ya üç oyunluq diskvalifikasiya riski ilə üzləşir. Bu, onun dirsək zərbəsinin FIFA İntizam Komitəsi tərəfindən necə qiymətləndiriləcəyindən asılı olacaq. Cəza bir matçdan artıq olarsa və Portuqaliya mart pley-off mərhələsi olmadan birbaşa dünya çempionatına vəsiqə qazansa, Ronaldu DÇ-2026-nın startını buraxa bilər.
Qeyd edək ki, FIFA cümə günü Ronaldonun işinə baxılma tarixləri ilə bağlı dəqiq məlumat verməkdən imtina edib.
