Portuqaliya millisi 2026-cı ildə keçiriləcək futbol üzrə dünya çempionatına vəsiqə qazanarsa, Kriştianu Ronaldu ilk oyunlarda cəzalı vəziyyətə düşə bilər.
Oxu.Az BBC-yə istinadən xəbər verir ki, o, İrlandiya ilə oyundakı "zorakı davranışı"na görə üç oyunluq cəza ala bilər.
FIFA-nın intizam məcəlləsinin ikinci fəslinin 14-cü maddəsində deyilir:
"Oyunçular rəqibə və ya matçın rəsmisi olmayan şəxslərə dirsəklə, yumruqla, ayaqla zərbələrə, eyni zamanda, dişləməyə, tüpürməyə görə ən az üç matç diskvalifikasiya edilməlidirlər".
Ronaldu üç oyunluq cəza alarsa və Portuqaliya millisi DÇ-2026-ya vəsiqə qazanarsa, gələn yay Şimali Amerikadakı turnirdə hücumçu ilk iki qrup oyununu buraxacaq.
Lakin Portuqaliya pley-off mərhələsinə düşsə və orada iki oyun keçirilsə, cəzası bitmiş hesab olunacaq.
Xatırladaq ki, Ronaldu İrlandiyaya qarşı oyunda aldığı qırmızı vərəqə səbəbindən seçmə mərhələnin son oyununda Ermənistana qarşı oynaya bilməyəcək.
"Cebheinfo.az"
