Azərbaycan-Gürcüstan sərhədində türk hərbi yük təyyarəsinin qəzası nəticəsində həlak olmuş hərbçilərin cəsədləri vətənlərinə çatdırılacaq.
MÖVZU İLƏ BAĞLI:
Bizim.Media xəbər verir ki, bunu Türkiyə Prezidentinin Kommunikasiya İdarəsinin rəhbəri Burhanettin Duran X sosial şəbəkəsində yazıb.
O bildirib ki, həlak olmuş hərbçilərin cəsədləri A-400M təyyarəsi ilə gətiriləcək. Həmin təyyarə ilə Gürcüstana türk axtarış-xilasetmə və texniki dəstək qrupu səfər edib.
Duran, həmçinin gürcü tərəfinin qəzanın ilk dəqiqələrindən bütün imkanlarını səfərbər etdiyini, operativ şəkildə reaksiya verdiyini və axtarış-xilasetmə işlərinə dəstək göstərdiyini qeyd edib.
O əlavə edib ki, axtarış-xilasetmə işləri və qəzanın nəticələrinin aradan qaldırılması davam edir.
Bizim.Media
