“Çelsi”nin yarımmüdafiəçisi Romeo Laviya ən azı bir ay yaşıl meydanlardan uzaq qalacaq.
İdman.Biz “Sky Sports”a istinadla xəbər verir ki, futbolçu “Qarabağ”la oyunda bud nahiyyəsindən aldığı zədəyə görə sıradan çıxıb.
Maraqlıdır ki, “Çelsi”nin aparıcı oyunçusu Moyzes Kaysedonun əvəzləyiciləri kimi nəzərdə tutulan Laviya və Dario Essugo tez-tez zədələnir, halbuki ekvadorlu yarımmüdafiəçi hazırkı Premyer Liqa mövsümündə 990 dəqiqədən cəmi 45-ni buraxıb.
