ABŞ-ın İllinoys ştatında 43 yaşlı Robin Polston adlı qadın yeniyetməni cinsi əlaqəyə cəlb etməkdə ittiham olunaraq saxlanılıb.
Şübhələr qadının uşaq doğmasından sonra yarandı
Polis qadının yanvar ayında uşaq dünyaya gətirməsindən sonra şübhələnib. Yeni doğulan körpənin adı və soyadı, Polstonun 14 yaşlı qızının dostunun adı ilə eyni olub.
Əvvəlcə Robin Polston bildirib ki, uşağın atası 25 yaşlı “Brayan” adlı kişi olub və onunla əlaqəsini itirib. Lakin araşdırma zamanı qadının telefonunda yeniyetmə ilə intim xarakterli foto və videolar aşkarlanıb.
DNT testi həqiqəti üzə çıxardı
Sonradan aparılan DNT testi uşağın atasının məhz 14 yaşlı yeniyetmə olduğunu tam şəkildə təsdiqləyib.
İstintaq materiallarına görə, Polston ailəsi ilə yeniyetmə arasında tanışlıq 2023-cü ildə baş verib. Həmin vaxt qadının qızı məktəbə onunla getmiş, Robin isə onları müşayiət etmişdi.
Bir il sonra, 2024-cü ildə, yeniyetmə qadının evinə yenidən qonaq gəlmiş və bu görüş təxminən doğuşdan 40 həftə əvvəl baş vermişdi.
Məhkəmə prosesi gözlənilir
Robin Polston özünü günahkar hesab etmədiyini bildirib, lakin hazırda məhkəmə qərarını gözləyərək həbsdə saxlanılır. /lent.az/
