BAKI, 11 noyabr. TELEQRAF
Pakistanda Kaçehri məhkəməsi binasının yaxınlığında baş verən partlayış nəticəsində azı 12 nəfər həyatını itirib, 21 nəfər yaralanıb.
Teleqraf xəbər verir ki, bu barədə Pakistan KİV-lər məlumat yayıb.
Bildirilib ki, partlayış binanın yaxınlığında park edilmiş avtomobildə baş verib. Yaralananlar arasında vəkillərin də olduğu bildirilir. Hadisə yerindəki təhlükə səbəbindən məhkəmə binası təxliyə olunub.
Partlayış yerinə İslamabadın baş müfəttişinin müavini (DIG) və baş komissar cəlb olunub, ölənlər və yaralananlar xəstəxanaya çatdırılıb. Paytaxtın Pims xəstəxanasında fövqəladə vəziyyət elan edilib.
