Braziliyada qasırğa Parana ştatında 6 nəfərin ölümünə, 750-yə yaxın insanın yaralanmasına səbəb olub.
Bu barədə Braziliyanın cənubundakı Parana ştatının yerli hakimiyyət orqanları məlumat yayıb.
Qurbanların sayının artacağı istisna edilmir.
Qeyd edək ki, qasırğa zamanı küləyin sürəti 250 km/saatadək yüksəlib. Təbii fəlakətdən ən çox zərər görən Rio-Bonitu-du-İquasu şəhərində binaların yarıdan çoxu ciddi dağıntılara məruz qalıb. 14 min əhalisi olan şəhərdə minə yaxın sakin evlərini tərk etmək məcburiyyətində qalıb.
