Müğənni Nərmin Kərimbəyova 8 noyabr-şanlı qələbəmizin 5 illiyi münasibətilə yeni işini təqdim edib.
Redaktor.az xəbər verir ki, daim vətənpərvər nəğmələri ilə seçilən sənətçi bu dəfəki missiyasını da sevərək yerinə yetirib.
"Zəfər Bayramı" adlanan bəstənin sözləri Hüseyn Musayev, musiqi və aranjimanı isə Rasim Əsgərova aiddir.
Nərmin, "Zəfər Günü" nə həsr etdiyi layihəsinin də kifayət qədər uğurlu olacağından əmin olduöunu bildirib.
"Atəş" mahnısından sonra şanlı qələbəmizin 5 illiyinə yeni mahnı təqdim etməyi özümə borc bildim. Bu dəfə "Zəfər Nəğməsi" oxuyuram. Qələbəmizin 5 illiyi mübarək!"
Qeyd edək ki, mahnı artıq bütün musiqi platformalarında yayımdadır.
