Fanat saytından alınan məlumatlara görə, ain.az xəbər verir.
2-ci Liqanın 8-ci turunda çempionatın iddialılarından olan "Şəki Siti" "Kür-Araz"ın qonağı olacaq. Ötən həftə "Göygöl"lə ev oyununda büdrəyən (0:0) Şəki təmsilçisinin baş məşqçisi Elvin Həsənovla əlaqə saxlayıb noyabrın 10-da baş tutacaq matç barədə fikirlərini soruşduq.
Onun Fanat.Az-a açıqlaması belə oldu:
"Növbəti oyunumuz Saatlıda "Kür-Araz"la olacaq. "Göygöl"lə oyundan sonra komandada bir qədər ruh düşgünlüyü yaranmışdı. Artıq toparlanmışıq, növbəti sınağa hazırlaşırıq. Keçən oyunu təhlil etmişik, səhvlərimizi müəyyənləşdirmişik. Rəqibi təhlil etmişik. "Kür-Araz" öz meydanında aqressiv oyun göstərən komandadır. Çempionatın ortabab kollektivlərindəndir. Bizi ağır oyun gözlədiyini bilirik. Amma hazırıq, hər şey qaydasındadır. Ən əsası motivasiyamız yerindədir. Həm komanda şəklində, həm də ayrı-ayrılıqda hər bir futbolçu ilə söhbət etmişik. Başa salmışıq ki, indi itilən hər xal bizim üçün faciəyə çevrilə bilər. Oyuna tam ciddiyətimizlə yanaşırıq. Səfərdən 3 xalla dönmək tapşırığı ilə yola çıxacağıq. Qalib gəlməklə çempionluq hədəfimizdən uzaq düşməməyə çalışmalıyıq".
Nihat
Abunə Ol
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
