Livan hakimiyyəti Müəmmər Qəddafinin oğlu Hannibalın həbsdən azad edilməsini, giriş qadağasının qaldırılmasını və 11 milyon dollarlıq girovun ləğvini təmin edib.
“Cebheinfo.az” xəbər verir ki, bu barədə "The Libya Observer" və "Libya Review" qəzetləri Liviya hökumətinə istinadən yazıb. Nazirlər Kabineti Hannibalın azad edilməsinin Liviyanın diplomatik səylərinin nəticəsi olduğunu bildirib. Ölkə Liviya vətəndaşının ləyaqətini qoruyarkən işi hüquqi və humanitar çərçivədə həll etməyə çalışıb.
"Libya Review" qəzetinin məlumatına görə, Qəddafinin oğlunun azad edilməsi Liviyanın kommunikasiya və siyasi məsələlər üzrə dövlət naziri Vəlid əl-Lafinin rəhbərlik etdiyi nümayəndə heyətinin Livana gəlməsindən bir neçə gün sonra baş verib.
Liviyanın yüksək vəzifəli rəsmiləri Livan tərəfinə 1978-ci ildə Livan imamı Musa əs-Sədrin itkin düşməsi ilə bağlı istintaqla bağlı rəsmi sənədləri təqdim ediblər. Nəşrin məlumatına görə, bu, uzun müddətdir davam edən hüquqi mübahisənin həllində dönüş nöqtəsi kimi qiymətləndirilir.
Hannibal Qəddafi 2015-ci ilin dekabrında Livan hüquq-mühafizə orqanları tərəfindən Livan imamı və siyasi xadim Musa əs-Sədrin itkin düşməsi ilə əlaqədar saxlanılıb. Qəddafinin özü Suriyadan qaçırıldığını və qanunsuz olaraq Livana aparıldığını iddia edib. O, həmçinin əs-Sədrin yoxa çıxması barədə heç nə bilmədiyini vurğulayı, çünki o zaman onun cəmi üç yaşı olub.
