ABŞ prezidenti Mərkəzi Asiya ilə əlaqələrin yeni mərhələyə keçəcəyini bildirib...
Poliqon xəbər verir ki, ABŞ prezidenti Donald Tramp Qazaxıstana rəsmi səfər etmək ehtimalını “çox mümkün” hesab etdiyini bəyan edib. O, bu fikri Vaşinqtonda keçirilən “Mərkəzi Asiya + ABŞ” (C5+1) sammitinin yekununda səsləndirib.
Tramp bildirib ki, son danışıqlar region ölkələri ilə münasibətlərin güclənməsinə təkan verib və Qazaxıstana səfər həm siyasi, həm də iqtisadi baxımdan yeni imkanlar aça bilər. “Biz Mərkəzi Asiya ilə əməkdaşlığı genişləndirmək istəyirik. Qazaxıstan bu prosesdə əsas tərəfdaşlarımızdan biridir,” – deyə ABŞ prezidenti vurğulayıb.
Ekspertlər qeyd edirlər ki, Trampın mümkün səfəri ABŞ-ın regionda artan marağının göstəricisidir və Vaşinqtonun iqtisadi, enerji və təhlükəsizlik istiqamətlərində yeni təşəbbüslərlə çıxış etməsinə şərait yarada bilər.
Poliqon.info
