Basketbol üzrə “Neftçi” komandasının baş məşqçisi Vitali Stepanovski Polşanın “Trefl” komandasına qarşı keçirilən Avropa Kuboku ev oyununun nəticələrini şərh edib.
İdman.Biz-in məlumatına görə, oyun Azərbaycan komandasının 92-87 hesablı qələbəsi ilə başa çatıb.
“Bu, çox vacib qələbədir. “Trefl” güclü komandadır: onlar Polşa çempionatında məğlubiyyətsiz idilər, ardıcıl beş oyunda qalib gəliblər. Həmçinin Avropa Kubokunda da üç ardıcıl qələbələri var idi. Biz bu mövsüm onları məğlub edən ilk komandayıq. Buna çox sevinirik, amma inanıram ki, dayanmayacağıq. Növbəti oyunlarda da qələbə qazanmağa çalışacağıq”, - Stepanovski qeyd edib.
Bakı klubu I qrupundakı mövqeyini möhkəmləndirib və turnirin növbəti mərhələsinə vəsiqə qazanmaq uğrunda mübarizəni davam etdirir.
