"Demokrat Zöhran Məmdaninin Nyu-York şəhər meri seçkilərində qələbəsi ABŞ üçün qismən suverenliyin itirilməsi deməkdir".
"Unikal" xəbər verir ki, bunu ABŞ prezidenti Donald Tramp deyib.
Floridada keçirilən biznes forumunda çıxış edən Tramp ötənilki prezident seçkilərindəki qələbəsini ABŞ tarixində ən vacib qələbələrdən biri adlandırıb. O bildirib ki, 5 noyabr 2024-cü ildə Amerika xalqı "hakimiyyətini geri alıb" və "suverenliyini" bərpa edib.
Bununla belə, Ağ Ev rəhbəri qeyd edib ki, Məmdaninin Nyu-York meri seçkilərində qələbəsi suverenliyin qismən itirilməsi ilə nəticələnib, lakin bu məsələ "həll olunacaq".
