Rusiyanın Qara dənizdəki Tuapse limanı 2 noyabrda Ukraynanın dron hücumundan sonra yanacaq ixracını və yerli neft emalı zavodu xam neftin emalını dayandırıb.
Qaziler.az bildirir ki, bu barədə "Reuters" agentliyi məlumat verib.
Agentliyin mənbələri bildirib ki, məhsulunun böyük hissəsini ixrac edən Rosneft-in nəzarətində olan neft emalı zavodu dron hücumlarından sonra liman infrastrukturuna dəyən ziyana görə ertəsi gün emalını dayandırıb.
Hücumdan əvvəl Tuapsenin noyabr ayında neft məhsulları ixracını artıracağı gözlənilirdi. Analitiklərin fikrincə, hücum zamanı limanda xam neft, dizel yanacağı və mazut yükləyən üç tanker dayanıb.
Noyabrın 5-i etibarilə bütün gəmilər körpüləri tərk edib və limanın yaxınlığında lövbər salıblar. Gündə 240.000 barel neft emal gücünə malik ixrac yönümlü Tuapse neft emalı zavodu xam neft, mazut, vakuum qaz yağı və yüksək kükürdlü dizel yanacağı istehsal edir.
QAZİLER.AZ
