Rusiya mətbuatı bu gün Çempionlar Liqasının 4-cü turunun Bakıda keçiriləcək “Qarabağ” – “Çelsi” oyunu ilə bağlı yazı dərc edib.
Sportal.az xəbər verir ki, “Чемпионат” Azərbaycan çempionunun bu mövsümə uğurlu start verdiyini xüsusi vurğulayıb:
"Qarabağ" Çempionlar Liqasının əvvəlində yaxşı təsir bağışladı. Azərbaycanlılar "Benfika"nı (3:2) və "Kopenhagen"i (2:0) məğlub edərək altı xal qazandılar. Ən azı pley-offa çıxmaq ümidləri artdı. İndi Qurban Qurbanovun komandası "Çelsi"ni qəbul edəcək. "Qarabağ" bu mövsüm əsas oyunu evdə keçirəcək. Bu mövsüm daha yüksək səviyyəli heç bir komanda hələ Bakıya gəlməyib. Buna görə də komanda "Çelsi"yə qarşı xal qazanmaq üçün əlindən gələni edəcək. Lakin ingilislər favorit olaraq qalır. "Bavariya"ya məğlub olduqdan sonra londonlular "Ayaks" və "Benfika"nı məğlub etdilər. 1/8 finala birbaşa vəsiqə qazanmaq üçün qalib gəlməyə davam etməlidirlər. Yeri gəlmişkən, "Çelsi" və "Qarabağ" artıq 2017/18 mövsümündə Çempionlar Liqasında iki dəfə qarşılaşıblar. O vaxtı londonlular hər iki oyunda sarsıdıcı qələbələr (6:0 və 4:0) qazanmışdılar".
Qeyd edək ki, bu gün Tofiq Bəhramov stadionunda keçiriləcək oyuna 21:45-də start veriləcək.
saytlarin hazirlanmasi
