ABŞ Prezidenti Donald Trampın administrasiyası Vaşinqtonun vasitəçiliyi ilə əldə edilən atəşkəs razılaşmasına riayət olunmasını təmin etmək üçün Qəzza zolağında çoxmillətli qüvvələr yerləşdirmək üçün BMT Təhlükəsizlik Şurasının qətnaməsi üzərində işləyir.
Ucnoqta.az xəbər verir ki, bu barədə CNN mənbəyə istinadən məlumat verib.
Mənbənin sözlərinə görə, vəzifəsi Qəzza zolağını silahsızlaşdırmaq və yeni Fələstin polis qüvvələrini yetişdirmək olan müvəqqəti təhlükəsizlik qüvvələrinin yaradılması ilə bağlı təfərrüatlar müzakirə olunur. Mənbə əlavə edib ki, ABŞ qoşunları Qəzza zolağının içərisində bu təhlükəsizlik qüvvələrinin tərkibində olmayacaq, lakin anklavın xaricində "əlaqələndirmə funksiyası" yerinə yetirəcək.
Qətnamənin ilkin versiyaları artıq BMT Təhlükəsizlik Şurasının digər üzvlərinə paylanıb.
