Moderator.az saytından alınan məlumatlara görə, ain.az xəbər verir.
"Texnologiya nəhəngi öz kəşflərinin nəticələrini ilk dəfə dəyərləndirir..."
İsrailin "Vesty" nəşrinin məlumatına görə, "Microsoft"un 70 yaşlı təsisçisi və filantrop Bİll Qeyts ilk dəfə şəxsi xatirələr kitabında öz kəşflərinin və texnologiya dünyasına verdiyi töhfələrin nəticələrini təhlil edir. "Başlanğıc kodu: Mənim başlanğıcım" adlı kitabı 2026-cı ilin fevralında çıxacaq və üçcildlik trilogiyanın birinci hissəsini təşkil edir.
Xatirələrində Qeyts uşaqlığından, Sietldəki zəngin ailə həyatından başlayaraq "Microsoft"un yaradılmasına qədər olan dönəmi təsvir edir. Özünü "uşaq vaxtı şıltaq və bəzən inadkar" adlandırır və qeyd edir ki, müasir psixoloqlar onu analiz etsəydilər, autizm ehtimalını irəli sürə bilərdilər.
Kitabda həmçinin 1974-cü ilin dekabrında Pol Allen ilə "Microsoft"u yaratmaq qərarını verdiyi anı xatırlayır. Həmçinin, onun ilk yaxın dostunun 16 yaşında dağda ölümü Qeyts üçün həyatda ədalətsizliyin dərsi olub. 90-cı illərdə milyardçılar sırasına daxil olan Qeyts texnologiya dünyasının "aqressiv milyardçısı" kimi tanınsa da, indi özünü İlon Mask və Mark Zukerberq kimi şəxslərə qarşı tarazlıq yaradacaq bir fiqur kimi görür.
Qeyts deyir ki, onun uğuru insanların hər sahədə onun ekspert olduğunu düşünməsinə səbəb olur və bu, yeni texnologiya nəhənglərinə xəbərdarlıqdır ki, peşəkar sahəsi ilə əlaqəsi olmayan məsələlərdə danışarkən ehtiyatlı olmalıdırlar.
Texnologiya, süni intellekt və sosial məsuliyyət
Qeyts internetin məlumat yayımı sahəsində böyük dəyişikliklər yaratdığını etiraf edir, lakin bununla bağlı problemləri gözləmədiyini qeyd edir. Sosial şəbəkələrin yaranması ilə siyasi qütbləşmənin gücləndiyini vurğulayır.
Süni intellekt mövzusunda isə onun üç əsas narahatlığı var: onu silah kimi istifadə etmək riski, əmək bazarına təsiri və qabaqcıl sistemlər üzərində nəzarətin itirilməsi ehtimalı. Qeyts hesab edir ki, süni intellektin təhlükəsiz istifadəsi üçün müdafiə sistemləri yaradılmalıdır və bu texnologiya həm yaxşı, həm də pis niyyətli tərəflərin əlinə keçə bilər.
Kriptovalyutalara münasibətində Qeyts sərtdir: onlar "heç bir real fayda gətirmir" və hətta ağıllı insanlar belə bu fikirlə yanılmışdır. Bu, yəqin ki, İlon Maskı da hədəf alan bir istehza ola bilər.
Qeyts xatirələrində həm şəxsi həyatını, həm də texnologiya, biznes və filantropiya təcrübələrini açıq şəkildə təqdim edir. İkinci cild "Microsoft"dakı peşəkar karyerasına, 90-cı illərdəki rəqabətə, hökumətlə mübahisələrə və Windows" əməliyyat sisteminin üstünlüyünə həsr olunacaq. Üçüncü cild isə Qeyts Fondunun xeyriyyə fəaliyyətinə diqqət yetirəcək.
O, bildirir ki, xatirələri yeni nəsli yalnız mənfəət haqqında deyil, həm də kəşflərinin nəticələri barədə düşünməyə təşviq etməlidir. Bu, Qeytsin həyat yolunu uşaqlıqdan başlayaraq texnologiyanın gələcəyinə və insanlığın formalaşmasına dair düşüncəsidir.
Moderator.az
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
