Çin lideri Si Cinpin Asiya-Sakit Okean İqtisadi Əməkdaşlıq Təşkilatının (APEC) sammitində ənənəvi koreya içkisi “makkoli”ni dadıb.
Musavat.com xəbər verir ki, hadisə zamanı çəkilmiş foto sosial şəbəkələrdə sürətlə yayılaraq müxtəlif şərhlərə və memlərə səbəb olub.
Məlumata görə, makkoli — Koreyaya məxsus ənənəvi düyü spirtli içkisidir. O, bişmiş düyü və su qarışığının fermentasiyası yolu ilə hazırlanır, açıq süd rənginə, yüngül şirin dada və kremvari teksturaya malikdir. İçkinin tərkibində adətən 6,5–7 faiz spirt olur.
Koreya mətbuatının yazdığına görə, sammitin şam yeməyi zamanı Si Cinpinin bu içkini sınaması “mədəni diplomatiya jesti” kimi dəyərləndirilib.
Musavat.com
