ain.az, Sia Az portalından verilən məlumatlara əsaslanaraq xəbər verir.
Onlar Cənubi Koreyaya göndərilmək istədiklərini bildiriblər...
...Rusiya tərəfində döyüşən iki Şimali Koreya hərbi əsiri Cənubi Koreyaya təhvil verilməsini istəyib.
SİA xəbər verir ki, bu barədə Deutsche Welle məlumat yayıb. Ukraynada əsir götürülmüş iki Şimali Koreya əsgəri sənədli film üçün müsahibə zamanı Cənubi Koreyaya köçürülmək istədiklərini bildiriblər.
Söhbət 28 oktyabrda məhbusların Ukraynanın nəzarətində olduğu Kiyevdə baş tutub.
Müsahibə Cənubi Koreyanın insan haqları təşkilatı Gyeore-eol Nation United tərəfindən əlaqələndirilib.
Təşkilatın məlumatına görə, əsgərlərdən biri fevral ayında Cənubi Koreya parlamentinin nümayəndəsi tərəfindən ziyarət edildikdə oxşar bir xahişlə müraciət etmişdi.
Cənubi Koreya və Qərb kəşfiyyat orqanlarının hesablamalarına görə, 2024-cü ildə Rusiya qoşunlarını dəstəkləmək üçün təxminən 10.000 Şimali Koreya əsgəri Ukraynaya göndərilə bilər.
Cənubi Koreya kəşfiyyatı həmçinin bildirib ki, Şimali Koreya əsgərlərinə əsir düşməmək üçün tez-tez intihar etmək əmri verilir. Yaralandıqda qumbara partladırlar. Sentyabr ayında Cənubi Koreya kəşfiyyatı Rusiyaya kömək üçün göndərilən təxminən 2000 Şimali Koreya əsgərinin Ukraynadakı döyüşlərdə həlak olduğunu bildirib.
Daha əvvəl xəbər verildiyi kimi, bu il yanvarın 11-də Ukrayna qüvvələri Kursk bölgəsində iki Şimali Koreya əsgərini əsir götürüb.
Onlardan biri yanvarın 9-da əsir götürülüb.
Əli Babayev
Ən son xəbərləri və yenilikləri almaq üçün ain.az saytını izləyin.
