Türkiyənin xarici işlər naziri Hakan Fidan PKK terror təşkilatına İraq və Suriyadakı fəaliyyətini dayandırmaq və işğal etdiyi ərazilərdən çıxmaq barədə xəbərdarlıq edib.
Musavat.com xəbər verir ki, o, bu açıqlamanı Bağdadda keçirilən mətbuat konfransında verib.
“PKK terror təşkilatı İraq və Suriyadakı fəaliyyətinə son qoymalı və işğal etdiyi ərazilərdən çıxmalıdır”, - XİN rəhbəri deyib.
O, İraqın vitse-prezidenti və xarici işlər naziri Fuad Hüseyn ilə birgə mətbuat önünə çıxaraq bildirib ki, bu addımlar regionun sabitliyi və təhlükəsizliyi, həmçinin xarici müdaxilələrin qarşısının alınması baxımından son dərəcə vacibdir.
Musavat.com
