ain.az bildirir, Ayna saytına əsaslanaraq.
Türkiyənin XİN başçısı İstanbulda HƏMAS-ın Siyasi Bürosunun üzvləri ilə görüşüb
Türkiyənin xarici işlər naziri Hakan Fidan Qəzza zolağındakı atəşkəs rejimini İstanbulda Fələstinin HƏMAS hərəkatının Siyasi Bürosunun nümayəndələri ilə müzakirə edib. AYNA.AZ TASS-a istinadən xəbər verir ki, bu barədə Türkiyə Xarici İşlər Nazirliyindəki (XİN) mənbə bildirib.
Mənbə qeyd edib ki, "nazir Fidan bu gün İstanbulda HƏMAS-ın Siyasi Bürosunun üzvləri ilə görüşüb, Qəzzada atəşkəs və regionun humanitar ehtiyacları müzakirə edilib".
Qeyd edək ki, 9 oktyabrda İsrail və HƏMAS, Misir, Qətər, ABŞ və Türkiyənin vasitəçiliyi ilə ABŞ Prezidenti Donald Tramp tərəfindən təqdim edilən sülh planının birinci mərhələsini həyata keçirmək barədə razılığa gəliblər. Trampın planına əsasən, Qəzzada atəşkəs 10 oktyabrda qüvvəyə minib.
13 oktyabrda HƏMAS sağ qalan 20 israilli girovu azad edib və ölən dörd əsirin qalıqlarını təhvil verib. İsrail hakimiyyəti radikalların 28 cəsəddən yalnız dördünü geri qaytarmasından narazılığını bildirib. Növbəti günlərdə HƏMAS daha bir neçə nəfərin cəsədini yəhudi dövlətinə təhvil verib.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
