Virginia Tech Universiteti alimləri beynə ən çox zərər vuran qidaları müəyyən ediblər. Araşdırmaya görə, çox işlənmiş ət məhsulları və şirin içkilər demensiya və Altsheymer riskini artırır.
E-saglam.az xəbər verir ki, 2014–2020-ci illərdə 55 yaşdan yuxarı 4 750 nəfər üzərində aparılan tədqiqatda, işlənmiş ət yeyənlərdə risk 17%, şirin içki qəbul edənlərdə isə 6% artdığı müəyyən olunub.
Digər işlənmiş qidalar – çörək, desert, qəlyanaltı və süd məhsulları eyni təsiri göstərməyib.
Professor Brenda Davy bildirib:
“Dəyişmək mümkündür. Əsas məsələ ölçülülük və balanslı seçimlər etməkdir".
Alimlər beynin qorunması üçün ən yaxşı yolun evdə daha çox yemək bişirmək olduğunu vurğulayıblar.
Tərcümə: Nəzrin Abbas
E-saglam.az
