Polşanın xarici işlər naziri Radoslav Sikorski Polşanın Avropa Birliyindən çıxmasının nəzəri cəhətdən mümkün olduğuna inanır. O, bunu “Onet” portalına verdiyi müsahibədə bildirib: “Bəli, çünki hər bir Avropa təşəbbüsünə ehtiyat üçün “yox” deyən siyasətçilərimiz var”, – deyə Radoslav Sikorski cavab verib.
Nazir misal olaraq, Prezident Andjey Dudanın enerjiyə qənaət edən lampaların tətbiqinə qarşı çıxmasını misal gətirib, baxmayaraq ki, bu qərar mərhum Prezident Lex Kaçinskinin iştirakı ilə Avropa Şurası tərəfindən təsdiqlənib.
Nazir həmçinin qeyd edib ki, Polşanın sağçı millətçiləri tez-tez bütün Avropa təkliflərini səhv hesab edirlər. Onun fikrincə, belə bir mövqe zərərlidir və Brexitdə olduğu kimi arzuolunmaz nəticələrə səbəb ola bilər.
//Samir Qurbanov, Editor.az
