“Real” klubu UEFA-ya qarşı məhkəmə iddiası açmağa hazırlaşır.
90deqiqe.Az “AS”a istinadən xəbər verir ki, “kral klubu” A22 şirkəti ilə birlikdə — bu şirkət Avropa Superliqası layihəsini irəli aparır — ciddi maliyyə kompensasiyası əldə etmək niyyətindədir. İddianın məbləği 4,5 milyard avro təşkil edir və klub iddia edir ki, UEFA tərəfindən onlara dəyən ziyan bu məbləği əhatə edir.
Qeyd edək ki, Madrid məhkəməsi UEFA, La Liqa və RFEF-in Superliqa layihəsinə dair əvvəlki apellyasiyasını rədd etmişdi. Bunun ardından layihənin təşəbbüskarları UEFA-ya qarşı iddia qaldırmaq hüququ qazanıblar.
Hazırda “Real” La Liqa cədvəlində birinci pillədə qərarlaşıb. Komandanın son matçında isə “Barselona” 2:1 hesabı ilə məğlub edilib.
