Özbəkistan prezidenti Şavkat Mirziyoyev UNESCO Baş Konfransının 43-cü sessiyasının açılışında iştirak etmək üçün səfər etdiyi Səmərqənd şəhəruindəki tikintisi demək olar ki, başa çatmaqda olan İmam Buxari Kompleksini ziyarət edib.
Hafta.az-ın yazdığına görə, dövlət başçısı kompleks 2019-cu ildə Şavkat Mirziyoyevin təşəbbüsü ilə “İslam dünyasında xüsusi yer tutan görkəmli hədis toplayan şəxsin yüksək mənəvi nüfuzuna və böyük elmi irsinə uyğun olaraq” yenidən qurulub.
Kompleks 44 hektar ərazini əhatə edəcək şəkildə genişləndirilib. Kompleksdə məqbərə, 10 min nəfərlik məscid, inzibati bina, muzey, giriş-çıxış eyvanları tikilib. 75 metr hündürlüyündə dörd minarə isə kompleksə xüsusilə əzəmətli görünüş verir.
Kompleksdə İslam dünyasının “Mühəddis Sultanı” kimi tanınan İmam Buxarinin həyatını və elmi irsini, eləcə də İslam təhsilinin inkişafındakı töhfələrini əks etdirən innovativ muzey yaradılıb. Muzeydə Quranda adı çəkilən 25 peyğəmbər, Məhəmməd Peyğəmbərin şəcərəsi, Məkkə və Mədinədə həyatı, hədislərin toplanması və qeyd edilməsi prosesi haqqında məlumatlar təqdim olunur.
Otellərin və xidmət obyektlərinin tikintisi başa çatmaq üzrədir. Bir dördulduzlu, iki üçulduzlu və 22 ailəvi kotejlər olacaq.
Prezident ziyarətçilər üçün şəraitin genişləndirilməsi və yaşıllıqların sahəsinin artırılması barədə tapşırıqlar verib. Sonda xoş arzularla ağac fidanları əkilib. Daha sonra dövlət başçısı Həzrəti Xızr kompleksini ziyarət edib və ilk prezident İslam Kərimovun məzarına gül dəstəsi qoyub.
