“Fikrimcə, bu şəkildə davam etməklə seçmə mərhələni uğurlu göstərici ilə başa vurmaq olar”.
Bu sözləri Sportinfo.az-a açıqlamasında U-21 millisinin müdafiəçisi Emin Rüstəmov deyib.
Avro-2025-in seçmə mərhələsində 4 turdan sonra yığmamızın aktivində 2 xal var. Bu gedişlə qrupu 3-4-cü pillələrdə başa vurmaq olarmı?
I Liqada “Səbail”in şərəfini qoruyan mərkəz oyunçusunu dinləyək:
“Qarşıda altı oyunumuz var. Hər matça 3 xal üçün çıxırıq.
Rəqibin kimliyindən asılı olmayaraq, məğlubiyyət barədə qətiyyən düşünmürük. Sadəcə, bəzən özümüz səhv edirik.
Bəzən bizdən asılı olmayan səbəblər nəticəyə təsir edir. İlk qələbəni qazanmaq üçün alışıb-yanırıq”.
