1-ci Liqanın lideri "Şəfa" sabah Azərbaycan Kubokunun 2-ci təsnifat mərhələsi çərçivəsində Şamaxıda "Cəbrayıl"la qarşılaşacaq. Bakı təmsilçisinin baş məşqçisi Elgiz Kərəmli ilə əlaqə saxlayıb oyunla bağlı fikirlərini öyrəndik.
33 yaşlı mütəxəssisin Fanat.Az-a açıqlaması belə oldu:
"Çempionat matçlarına olduğu kimi, kubok oyununa da ciddi hazırlaşırıq. "Cəbrayıl" komandasının son oyunlarında inkişaf hiss olunur. Çempionatda bu rəqib üzərində qazandığımız 3-0 hesablı qələbəyə baxmayaraq, onlara qarşı çətinlik çəkdiyimizi deyə bilərəm. Sabahkı oyunda məqsəd qələbə qazanaraq növbəti mərhələdə Premyer Liqa klubları ilə qarşılaşmaq, öz gücümüzü göstərməkdir".
Nihat
