Baltikyanı və Skandinaviya ölkələri, eləcə də Polşa Polşadakı təlim poliqonunda təlim keçəcək Ukrayna briqadasının yaradılması və təchiz edilməsi barədə razılığa gəliblər.
Norveç Müdafiə Nazirliyi bildirib ki, 15 oktyabrda Brüsseldə keçirilən NATO Müdafiə Nazirlərinin görüşü çərçivəsində anlaşma memorandumu imzalanıb.
Sazişi Danimarka, Estoniya, Finlandiya, İslandiya, Latviya, Litva, Norveç, Polşa, İsveç və Ukrayna imzalayıb. Burada müasir NATO standartlarına cavab verən briqadanın formalaşdırılması üçün şəxsi heyətin silahlandırılması, təchiz edilməsi və təlimləndirilməsində kömək nəzərdə tutulur.
//Samir Qurbanov, Editor.az
