Azərbaycanın “Qarabağ” klubunun Kape Verde millisinin futbolçusu Leandro Andrade Çempionlar Liqasında İspaniyanın “Atletik Bilbao” komandasına vurduğu qolla unikal Avropa futbol rekorduna imza atıb. O, tarixdə üç Avropa matçında oyunun ilk dəqiqəsində vuran ilk oyunçu olub.
Daha əvvəl Andrade Rumıniyanın FCSB və İsveçin Häcken komandalarına qarşı erkən qollar vurmuşdu. Bunlar müvafiq olaraq 2025 və 2023-cü illərdə baş verib. Andradenin hazırkı Çempionlar Liqasında iki qolu var. Kabo-Verdeiyalı 2022-ci ildən “Qarabağ”da çıxış edir. Bu müddət ərzində o, 49 qola imza atıb.
Xatırladaq ki, dünən “Qarabağ” Çempionlar Liqasının əsas hissəsində səfərdə “Atletik Bilbao”ya 1:3 hesabı ilə uduzaraq cari mövsümdə ilk məğlubiyyətini alıb.
//Samir Qurbanov, Editor.az
