Cümə günü, oktyabrın 17-də ABŞ prezidenti Donald Tramp Ağ Evdə Ukrayna prezidenti Vladimir Zelenski ilə görüşəcək. Axios xəbər verir ki, bu görüşdə liderlər Kiyevə hansı silahların tədarük edilməsini, xüsusilə də Tomaqavk raketlərinin Ukraynaya verilməsi imkanlarını müzakirə edəcəklər.
Vətəninfo.az xəbər verir ki, nəşrin məlumatına görə, tərəflər ABŞ-ın Ukraynaya uzaqmənzilli “Tomaqavk” raketlərini göndərməsi məsələsini detallı şəkildə müzakirə edəcəklər. Bu raketlər, Ukraynaya Rusiyanın ən uzaq ərazilərini, o cümlədən Moskva şəhərini hədəf almağa imkan verəcək.
Axios-un mənbələri bildiriblər ki, bəzi məsələlər var ki, onları telefonla müzakirə etmək mümkün deyil, buna görə də bu görüşün keçiriləcəyi bildirilir.
Zelenskinin, ilkin məlumatlara görə, cümə axşamı ABŞ-a gəlməsi gözlənilir. Tramp ilə görüş isə növbəti gün, oktyabrın 17-də baş tutacaq.
