Müəllif:Mehin Qasımova,Banco.az
Çin ABŞ gəmilərinə əlavə liman rüsumu tətbiq edib.
Banco.az xəbər verir ki, Çin rəsmisinin sözlərinə görə, Çinin ABŞ gəmilərindən aldığı liman ödənişləri beynəlxalq bazarlarda ədalətli rəqabəti təmin etmək məqsədi daşıyır.
"Gəmilər üçün liman ödənişlərinə gəlincə, Çinin əks tədbirləri həm Çin sənaye və müəssisələrinin qanuni hüquq və mənafelərinin qorunmasına, həm də beynəlxalq dəniz gəmiçiliyi və gəmiqayırma bazarlarında ədalətli rəqabətin qorunmasına yönəlmiş zəruri cavab tədbirləridir", - o, mətbuat konfransında vurğulayıb.
Onun sözlərinə görə, Vaşinqton tərəfindən görülən oxşar tədbirlər ayrı-seçkilik xarakteri daşıyan proteksionizm və birtərəfliliyin tipik nümunələri kimi nəzərdən keçirilməlidir.
"Ümid edirik ki, Amerika tərəfi öz səhvlərini etiraf edəcək, Çinlə qarşılıqlı razılaşma ruhunda əlaqə saxlayacaq və düzgün dialoq və məsləhətləşmə yoluna qayıdacaq", - Lyu Dalyan yekunlaşdırıb.
Oktyabrın 14-də Çində ABŞ bayrağı altında üzən gəmilərə – həm ABŞ fiziki şəxslərinə məxsus, həm də Amerika vətəndaşlarının birbaşa və ya dolayısı ilə səhmlərin ən azı 25%-nə (səsvermə hüququ, idarə heyətinin yerləri) sahib olduğu şirkətlər və digər təşkilatlar tərəfindən idarə olunan gəmilərə, eləcə də Çində inşa edilmiş gəmilərə xüsusi liman ödənişləri tətbiq edən qərar qüvvəyə minəcək. Onlardan xalis registr tonu üçün 400 yuan (56 dollar) dərəcəsi ilə tutulacaq, 17 aprel 2026-cı ildə 640 yuana (90 dollar), 17 aprel 2027-ci ildə 880 yuana (123 dollar) və 20 apreldə 1120 yuana (157 dollar) yüksələcək.
