İspaniyanın və “Barselona”nın yarımmüdafiəçisi Dani Olmo zədə səbəbindən DÇ-2026-nın seçmə mərhələsində Gürcüstan və Bolqarıstana qarşı keçiriləcək oyunda iştirak edə bilməyəcək.
İdman.Biz bildirir ki, bu barədə İspaniya Kral Futbol Federasiyasının (RFEF) rəsmi saytı məlumat yayıb.
RFEF-in açıqlamasında futbolçunun məşq zamanı sol ayağında əzələ ağrıları yaşadığı vurğulanıb. Daha sonra əzələ zədəsi diaqnozu qoyulan əlavə müayinələr aparılıb. İndi Olmo “Barselona”ya qayıdacaq.
Olmo bu mövsüm bütün turnirlərdə 10 oyun keçirib, bir qol vurub və iki məhsuldar ötürmə edib.
