BAKI, TurkicWorld
Azərbaycanın rəqəmsal inkişaf və nəqliyyat naziri Rəşad Nəbiyev Brüsseldə Avropa İttifaqının (Aİ) genişlənmə məsələləri üzrə komissarı Marta Kos ilə görüşüb.
TurkicWorld-un məlumatına görə, bu barədə nazir "X" sosial şəbəkəsində yazıb.
O bildirib ki, görüşdə Zəngəzur dəhlizinin gələcək perspektivləri, eləcə də Naxçıvanın nəqliyyat infrastrukturunun inkişafı sahəsində Aİ-nin mümkün dəstəyi barədə müzakirələr aparılıb.
"Azərbaycan tərəfindən bu istiqamətdə icra olunan strateji əhəmiyyətli layihələr barədə ətraflı məlumat verdik. Eyni zamanda həmin layihələrdə Aİ-nin potensial iştirak imkanları barədə fikir mübadiləsi apardıq. Görüşdə, həmçinin nəqliyyat, rəqəmsallaşma, innovasiyalar və İKT sahələrində əməkdaşlığın genişləndirilməsi məsələləri diqqət mərkəzində oldu", - deyə R.Nəbiyev qeyd edib.
