Ermənistanın Korrupsiyaya Qarşı Mübarizə Məhkəməsi Ermənistanın üçüncü prezidenti Serj Sarkisyana qarşı 30 milyon dram girov müqabilində həbs qətimkan tədbirini qüvvədə saxlasa da, ölkədən çıxış qadağasını ləğv edib.
"Unikal" xəbər verir ki, məhkəmə iclasının əvvəlində müdafiə tərəfi vəsatətlə çıxış edib, lakin məxfi məlumatların təqdim olunmasını tələb etdiyi üçün bağlı qapılar arxasında dinlənilib.
Jurnalistlərlə danışan vəkil Amram Makinyan qeyd edib ki, üçüncü prezident ölkəyə səfər qadağasını ona qarşı irəli sürülən ittihamlardan daha ağrılı qəbul edib.
"Səyahət qadağası Sarkisyan üçün ona qarşı irəli sürülən digər uydurma ittihamlardan daha ağır ittihamdır. Bəli, mən bunu ittiham adlandırıram, çünki səfər qadağası bir şəxsin Ermənistan Respublikasını tərk edərək qaça biləcəyi məntiqinə əsaslanaraq tətbiq edilir. Ermənistanın üçüncü prezidentinin belə bir niyyəti və ya arzusu olduğuna həqiqətən inanan, ağlı başında olan kimsə varmı?", - deyə vəkil bildirib.
