Mükafat venesuelalı siyasətçi Mariya Korina Maçadaya təqdim olunub...
Poliqon xəbər verir ki, bu il Nobel Sülh Mükafatının laureatı ABŞ-ın sabiq prezidenti Donald Tramp deyil, Venesuela müxalifətinin tanınmış simalarından biri olan Mariya Korina Maçado olub. O, ölkəsində demokratik islahatların bərpası və avtoritar idarəetməyə qarşı mübarizəsinə görə mükafata layiq görülüb.
Mariya Korina Maçado uzun illərdir Venesuelada insan haqları, seçki azadlığı və korrupsiyaya qarşı çıxışı ilə tanınır. O, hazırkı hökumətin repressiv siyasətinə qarşı beynəlxalq dəstək toplayan əsas müxalif fiqurlardan biridir.
Nobel Komitəsinin açıqlamasında vurğulanıb ki, Maçadonun fəaliyyəti “xalqın səsini boğan rejimə qarşı dinc və qətiyyətli mübarizənin simvolu” kimi qiymətləndirilib.
Poliqon.info
