Avropa İttifaqı (Aİ) süni intellekt sahəsində ABŞ və Çinlə rəqabət aparmaq üçün sənaye və elmdə süni intellektin istifadəsini artırmaq üçün yeni plan hazırlayıb.
Busaat.az xəbər verir ki, Aİ Komissiyası süni intellekt sahəsində rəqiblərindən geri qalmamasını təmin etmək üçün hazırlanmış “Süni intellektin Tətbiq Strategiyası” və “Elmdə Süni İntellekt Strategiyası”nı ictimaiyyətə açıqlayıb.
Bu strategiyalara uyğun olaraq, Aİ ölkələrinin süni intellekt sahəsində aparıcı rol alması üçün addımlar atılacaq.
Bu çərçivədə Avropanın əsas sənayelərində və dövlət sektorlarında süni intellektin istifadəsi sürətləndiriləcək
Səhiyyə, əczaçılıq, enerji, nəqliyyat, istehsal, tikinti, kənd təsərrüfatı, qida, müdafiə, rabitə və mədəniyyət kimi sektorlarda AI-nin qəbulu və istifadəsi təşviq ediləcək.
KOM-lara onların xüsusi süni intellekt ehtiyacları üçün dəstək veriləcək və AI-nın öz əməliyyatlarına inteqrasiyasına köməklik göstəriləcək.
Səhiyyə xidmətləri üçün süni intellektlə işləyən qabaqcıl skrininq mərkəzləri yaradılacaq.
İstehsal, ətraf mühit və əczaçılıq kimi sektorlara xas olan qabaqcıl modellərin və vasitəçi AI alətlərinin inkişafı asanlaşdırılacaq.
Aİ Komissiyası süni intellektdən istifadəni genişləndirmək və yeni tədbirləri dəstəkləmək üçün təqribən 1 milyard avro maliyyə vəsaiti ayıracaq.
Strategiyanın bir hissəsi kimi dövlət xidmətlərinin səmərəliliyi və əlçatanlığı süni intellekt vasitəsilə artırılacaq.
Aİ işçi qüvvəsi süni intellekt üçün daha hazırlıqlı olacaq.
Aparıcı süni intellekt oyunçularını bir araya gətirmək və bu sahədə innovasiyaları dəstəkləmək üçün yeni təşəbbüs irəli sürüləcək.
Yeganə
