Avropa Komissiyası Çin istehsalına qarşı tədbirlər görür, lakin qərar Böyük Britaniyanın ixracına da zərbə vuracaq...
Poliqon xəbər verir ki, Avropa Komissiyası polad idxalına dair yeni ticarət məhdudiyyətləri tətbiq etməyi təklif edib. Yeni qaydalara əsasən, gömrük rüsumundan azad edilən polad idxal kvotası illik 18,3 milyon tonadək azaldılacaq və bu, əvvəlki həcmdən təxminən iki dəfə olacaq.
Eyni zamanda, mövcud kvotadan artıq idxal olunan polad məhsullarına 50 faizlik əlavə gömrük rüsumu tətbiq ediləcək. Qərarın məqsədi Çin metallurgiya sənayesindəki artıq istehsalın Avropa bazarına mənfi təsirini azaltmaqdır.
Lakin ekspertlər bildirirlər ki, bu addım Böyük Britaniyanın polad sənayesinə ciddi zərbə vura bilər. Hazırda Britaniya polad ixracının təxminən 80 faizi Avropa İttifaqı ölkələrinə yönəlib və yeni kvotalar Britaniya şirkətlərinin bazara çıxış imkanlarını məhdudlaşdıra bilər.
Avropa Komissiyası hesab edir ki, Çin poladının qiymətləri süni şəkildə aşağı salınır və bu, Avropa metallurgiyasını ədalətsiz rəqabət şəraitinə salır. Yeni kvotalar həm də Aİ-nin sənaye istehsalını və iş yerlərini qorumaq məqsədi daşıyır.
Böyük Britaniya hökuməti isə bu qərarın “brexitdən sonrakı ticarət münasibətlərinə mənfi təsir göstərə biləcəyini” və Aİ ilə iqtisadi əlaqələrin yenidən baxılmasını zəruri edəcəyini bildirib.
Polion.info
