1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"Naxçıvan Sazişinin imzalandığı 2009-cu ildə türk dövlətlərinin ümumi xarici ticarət həcmi 540 milyard dollar olduğu halda, bu göstərici 2024-cü ildə 1.2 trilyon dollara çatıb"
Oxu.Az-ın "Anadolu" agentliyinə istinadən verdiyi xəbərə görə, bunu Türkiyənin Ədalət və İnkişaf Partiyasının sədr müavini, türk dövlətləri ilə əlaqələr şöbəsinin sədri, millət vəkili Kürşad Zorlu 3 oktyabr Türk Dövlətlərinin Əməkdaşlıq Gününə həsr olunmuş tədbirdə deyib.
Onun sözlərinə görə, türk dövlətlərinin dünya ticarətindəki ümumi payı 2.1%-dən 2.43%-ə yüksəlib: "Türk dövlətlərinin öz aralarındakı ticarəti isə 2024-cü il etibarilə 70 milyard dollar səviyyəsindədir".
Xatırladaq ki, Türk Dövlətləri Təşkilatının təməli 2009-cu il oktyabrın 3-də Azərbaycan, Qazaxıstan, Qırğızıstan və Türkiyə tərəfindən imzalanmış tarixi Naxçıvan Sazişi ilə qoyulub.
