“Arsenal” klubu mərkəz müdafiəçisi Vilyam Salibanın müqaviləsini uzadıb.
90deqiqe.Az xəbər verir ki, futbolçu 2030-cu ilə qədər qüvvədə olacaq yeni müqaviləyə qol çəkəcək.
Fransız müdafiəçi 2019-cu ildən bəri “Arsenal”ın şərəfini qoruyur. Transfermarkt portalına görə, 24 yaşlı oyunçunun bazar dəyəri 80 milyon avrodur. Cari mövsümdə İngiltərə Premyer Liqasında Saliba 4 oyuna çıxıb. Bundan əlavə, o, İngiltərə Liqa Kubokunda 1 oyun keçirərək 1 məhsuldar ötürmə də edib.
Hazırkı mövsümdə Premyer Liqanın 6 turundan sonra “Arsenal” turnir cədvəlində ikinci pillədə qərarlaşıb.
