Müəllif: Tamara Mustafayeva, Banco.az
Avrozonada iqtisadi inam proqnozları üstələyib.
Banco.azxəbər verir ki, Avropa İttifaqı (Aİ) Komissiyası Avrozonada sentyabr ayına aid iş və istehlakçı sorğusunun yekun nəticələrini yayımlayıb.
Komissiya bildirib ki, iqtisadi inam indeksi avqustda 95,3 səviyyəsindən sentyabrda 95,5-ə yüksəlib.
Bloomberg-in sorğusunda iştirak edən 17 iqtisadçının median proqnozu iqtisadi inamın 95,2 səviyyəsində olacağı istiqamətində idi.
Məlumata görə, Avrozonada istehlakçı inamı sentyabrda -15,5-dən -14,9-a qalxıb.
Sənaye inamı -10,2-dən -10,3-ə düşərkən, pərakəndə satış inamı -6,4-dən -7,7-yə geriləyib.
Digər tərəfdən, xidmət sektoru inamı sentyabrda 0,2 xal azalaraq 3,6-ya düşüb. Tikinti sektoru inamı isə -3,6-dan -3,5-ə yüksəlib.
Bizi sosial şəbəkələrdən izləyin!!
