Əziz Əliyev adına Azərbaycan Dövlət Həkimləri Təkmilləşdirmə İnstitutuna iki prorektor təyin edilib.
"Cebheinfo.az" qaynarinfo-ya istinadən xəbər verir ki, Adilə Rzayeva Təlim-tərbiyə işləri üzrə, Rüfət Hüseynli Beynəlxalq əlaqələr üzrə prorektor təyin olunub.
Bu barədə səhiyyə naziri Teymur Musayev müvafiq əmr imzalayıb.
Adilə Rzayeva Bakı Dəmir Yolu Xəstəxanası baş həkimin müavini, ixtisasca stomatoloq olan Rüfət Hüseynli isə Tibb Universitetinin ortopedik stomatologiya fakültəsinin dosentidir.
Xatırladaq ki, Nazim Pənahov 7 iyul 2025-ci il tarixli sərəncamla Əziz Əliyev adına Azərbaycan Dövlət Həkimləri Təkmilləşdirmə İnstitutunun rektoru təyin olunub.
"Cebheinfo.az"
