PSJ-in baş məşqçisi Luis Enrike Çempionlar Liqasının növbəti turunda “Barselona” ilə keçiriləcək oyundan öncə komandada və rəqibdə çoxsaylı zədələrin olduğunu açıqlayıb.
90deqiqe.Az xəbər verir ki, "Le Parisien" təcrübəli çalışdırıcının dediklərini belə çatdırıb.
“Həmişə pozitiv qalmaq lazımdır. Təəssüf ki, dörd gün sonra “Barselona” ilə oyun keçirəcəyik və hər iki tərəf beş-altı əsas oyunçusunu itirib. Bu həm mənim üçün, həm rəqib baş məşqçi Hansi Flik üçün, həm də hər iki komandanın azarkeşləri üçün xoşagəlməzdir”.
Qeyd edək ki, Kataloniya klubu da, eyni şəkildə, əsas oyunçularının bir neçəsini itirib.“Barselona” və PSJ arasında Çempionlar Liqasının qrup mərhələsinin 2-ci turu 1 oktyabrda İspaniyada keçiriləcək. Oyunun başlama vaxtı Bakı vaxtı ilə 23:00-dur.
