Avstraliyanın Pert şəhərində keçirilən UFC Fight Night 260 turnirində gecənin əsas qarşılaşması Karlos Ulberq və Dominik Reyes arasında baş tutub.
İdman.biz xəbər verir ki, yeni zelandiyalı döyüşçü möhtəşəm çıxışla rəqibini artıq ilk raundda nokauta salaraq vaxtından əvvəl qələbə qazanıb.
Ulberq amerikalı rəqibini güclü zərbə kombinasiyası ilə yıxıb, ardından isə hücumlarını davam etdirib. Hakim döyüşü dayandıraraq qələbəni 34 yaşlı idmançıya verib.
Bu, Ulberqin ardıcıl 9-cu, ümumilikdə isə 12-ci qələbəsi olub. Onun aktivində cəmi bir məğlubiyyət var və o, yarım-çəki dərəcəsində növbəti titullu döyüşün əsas namizədlərindən sayılır.
Dominik Reyes üçün isə bu məğlubiyyət karyerasında 5-ci olub. Amerikalı döyüşçünün hesabında 15 qələbə olsa da, ardıcıl uğursuzluqlar onun diviziondakı mövqelərini şübhə altına alır.
