ain.az, Azertag portalına istinadən məlumatı açıqlayır.
Naxçıvan, 27 sentyabr, AZƏRTAC
Naxçıvan Muxtar Respublikası Gənclər və İdman Nazirliyinin 27 Sentyabr – Anım Günü ilə bağlı hazırladığı tədbirlər planına uyğun olaraq şəhidlərimizin xatirəsinə həsr olunmuş beynəlxalq reytinqli şahmat turniri keçirilib.
Nazirliyin mətbuat xidmətindən AZƏRTAC-ın bölgə müxbirinə bildirilib ki, İsveçrə sistemi üzrə 9 turdan ibarət yarışda 50 şahmatçı iştirak edib.
Sentyabrın 27-də turnirin mükafatlandırma tədbiri keçirilib. Şəhidlərimizin əziz xatirəsi bir dəqiqəlik sükutla yad edilib.
Nazirliyin şöbə müdiri Taleh İbrahimov çıxışında Vətən uğrunda canından keçmiş əsgər və zabitlərin xatirəsinin daim uca tutulduğunu, bu münasibətlə silsilə tədbirlər keçirildiyini xatırladıb. Qeyd olunub ki, 27 Sentyabr tarixi 44 günlük Vətən müharibəsində böyük Zəfərə gedən yolun başlanğıcı kimi də böyük önəm kəsb edir.
Nəticələrə əsasən turnirin qalibi Yasin Əzimli olub. Fərəməz Quliyev ikinci, Cavanşir Nemətli isə üçüncü yerə sahib çıxıb.
İlk üç yerin sahibləri, o cümlədən nominasiya qalibləri və həvəsləndirici yer tutan iştirakçılar mükafatlandırılıblar. Onlara diplom, fəxri fərman, medal və pul mükafatı təqdim olunub.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
