38 yaşlı keçmiş UFC çempionu Aleks Pereira Maqomed Ankalayevlə ilk döyüşdə məğlubiyyətini şərh edib.
İdman.biz xəbər verir ki, Pereira “The Brian Campbell Experience” “YouTube” kanalına verdiyi açıqlamada bunları söyləyib:
“Hazırda detallara girməyəcəyəm, amma baş verənləri nəzərə alaraq, ilk döyüşdə Ankalayevlə qarşılaşa bildiyimə özümdə təəccüblənirəm. Doğrusu, o gecə mən təxminən 40% hazır idim. Əgər bu dəfə yalnız 50% hazır olsam belə, əlavə 10% böyük fərq yaradacaq. Heç kimdə şübhə qalmayacaq.”
Qeyd edək ki, Pereira və Ankalayev arasında revans döyüşü 5 oktyabr tarixində Las-Veqasda UFC 320 turnirində baş tutacaq.
