ABŞ-ın Azərbaycandakı müvəqqəti işlər vəkili Emi Karlon Atəşgah məbədini ziyarət edib.
Axar.az xəbər verir ki, bu barədə ABŞ-ın Azərbaycandakı səfirliyi məlumat yayıb.
Qeyd olunub ki, diplomat Azərbaycanın zəngin tarixi və mədəni irsi ilə yaxından tanış olmaq məqsədilə səfərinə məhz "Odlar Yurdu"nun rəmzi sayılan bu məkandan başlayıb.
"Tarixin, inancın və ənənənin qovuşduğu bu məkanda o, Azərbaycanın zəngin mədəni irsini və xalqlarımız arasındakı dostluğun səmimiyyətini hiss etdi. Xoş gəlmisiniz, xanım Karlon", - məlumatda bildirilib.
