ain.az, Azvision saytından verilən məlumata əsaslanaraq xəbər yayır.
AzVision.az xəbər verir ki, iki mənbədən aldığı məlumata istinad edən “CNN” telekanalı Boltonun işi ilə məşğul olan prokurorların ittiham irəli sürməkdə tələsməməyi üstün tutduqlarını bildirib. “İşlə məşğul olan Merilend ştatının prokurorluğunun fikrincə, onlar ilin sonuna qədər Boltonun qanun pozuntularına dair daha inandırıcı sübutlar toplaya bilərdilər. Bununla belə, Baş prokuror Pem Bondinin ofisi Boltona qarşı ittihamların sentyabrın 26-dan gec olmayaraq irəli sürülməsində israrlıdır”, - telekanalın yaydığı materialda vurğulanır. 
Con Bolton 10 il həbs cəzası ala bilər
Sentyabrın 24-də məhkəmə sənədlərinə istinad edən “Politico” nəşri Federal Təhqiqatlar Bürosunun (FTB) əməkdaşlarının avqustun 22-də Con Boltonun evində axtarış apararkən məxfi sənədlər aşkar etdiklərini yazıb. Bu sənədlər kütləvi qırğın silahlarına, ABŞ-nin BMT-dəki missiyasına və “ABŞ hökumətinin strateji kommunikasiyalarına” aiddir. Bəzi sənədlərin üzərində “gizli” və ya “məxfi” qrifləri qeyd olunub. Boltonun evində və ofisində aparılan axtarışlar zamanı kompüterlər və digər elektron cihazlar götürülüb. Vaşinqtonun ən radikal “qırğı”larından biri kimi tanınan Con Bolton Donald Trampın ilk prezidentliyi dövründə 2018-2019-cu illərdə Amerika liderinin Milli Təhlükəsizlik məsələləri üzrə müşaviri vəzifəsində çalışıb. Aralarında kəskin fikir ayrılığı yarandıqdan sonra Tramp onu işdən çıxarıb. Sabiq müşavir Donald Trampla keçirdiyi dövrlə bağlı xatirələrində bir il yarım ərzində Ağ Evdə siyasətin qurulması prosesini tənqidi şəkildə təfərrüatlandırıb. Bundan sonra ABŞ hökuməti Boltonun məxfi məlumatlarla bağlı məxfilik öhdəliyini iddia edib. Xatırladaq ki, Donald Tramp Ağ Evə qayıdan kimi imzaladığı sərəncamla ABŞ-nin Məxfi Xidmətinin əməkdaşları tərəfindən Con Boltona göstərilən dövlət keşiyini dayandırıb. Sahil İsgəndərov
AzVision.az
Ən son xəbərləri və yenilikləri almaq üçün ain.az saytını izləyin.
